صبح دوشنبه ۲۲ شوال المکرم 1438 (۲۶ تیر ۱۳۹۶) مدير و مسئولان شبكه راديویی معارف با حضور در بیت مرجع عالیقدر آیت الله العظمی صافی گلپایگانی مدظله الوارف، با ایشان دیدار  کرده و از توصیه های معظم له بهره مند شدند.   در ابتداي اين...
Sunday: 23 / 07 / 2017 ( )

Printer-friendly versionSend by email
شیعوں کے عالیقدر مرجع حضرت آیة الله العظمی صافی گلپایگانی کا ناروے (اوسلو)میں منعقد ہونے والی بین الاقوامی کانفرنس«مکتب اہلبیت علیہم السلام کی نظر میں انتہا پسندی اور دہشتگردی »کے لئے پیغام

 

بسم الله الرحمن الرحیم

الحمدلله ربّ العالمین، ثمّ الصّلوة و السّلام علی حبیبه و خیرته أبی‌القاسم المصطفی محمّد و علی أهل بیته الطّیبین الطّاهرین لا سیّما بقیّة الله الأعظم الّذی یملأ الأرض عدلاً و قسطاً بعد أن ملئت ظلماً و جوراً عجّل الله تعالی فرجه الشّریف
قال الله تعالی فی کتابه المبین: «وَمَا أَرْسَلْنَاكَ إِلَّا رَحْمَةً لِّلْعَالَمِينَ»

ہم مسجد توحید(اوسلو) میں  ’’مکتب اہلبیت علیہم السلام کی نظر میں انتہا پسندی اور دہشت گردی‘‘کے عنوان سے منعقد کانفرنس کے تمام عزیز و بزرگ شرکاء کی خدمت میں سلام پیش کرتے ہیں۔ اس کانفرنس میں آپ نے اہلبیت علیہم السلام کے نورانی ،صلح پسند اور مہربانی مکتب و مذہب کے تربیت یافتہ افراد کے عنوان سے شریک ہو کر  پوری دنیا میں رونما ہونے والی دہشت گردی کی کاروائیوں کی مذمت کی ہے اور سب کو یہ بتا دیا ہے کہ قرآن، پیغمبر اکرمؐ اور اہلبیت اطہار علیہم السلام کی احادیث و روایات کی اعلیٰ تعلیمات سے مأخوذ خالص اسلام کا دہشتگردی اور بدنام گروہوں کے ساتھ ذرّہ برابر بھی کوئی تعلق نہیں ہے۔

دنیا میں کوئی ایسا دن نہیں ہے کہ جب اسلام کا لبادہ اوڑھ کر کچھ لوگ دہشت گردی اور خود کش دھماکوں کے ذریعے بے گناہ لوگوں،بچوں اور عورتوں کا خون نہ بہائیں ۔وہ لوگ اسلام پر بہت سنگین وار کر رہے ہیں کہ جس کے نتیجہ میں اس کے منفی اثرات جیسے اسلام ہراسی اور اسلاموفوبیا کو کم اہمیت نہیں سمجھا جا سکتا۔

دہشتگردی کے واقعات وحشت، جہالت، پسماندگی اورانحطاط کا نتیجہ ہیں اور یہ واقعات انسانی اقدار کے منافی ہیں کہ جن کا حقیقی اسلام کے ساتھ کوئی واسطہ نہیں ہے۔

یہ کوئی معمولی بات نہیں کہ دنیا میں چہرۂ رحمت«وَ مَا أَرْسَلْنَاكَ إِلَّا رَحْمَةً لِّلْعَالَمِينَ»کو فساد، سنگدلی، خشونت اور بے رحمی کے طور پر اجاگر کیا جائے اور قرآن کو خشونت پر مبنی ان تمام عناوین کا منبع سمجھاجائے۔

جہاں اسلام کے نورانی چہرے اور اس کی نورانی کرنوں سے دنیا والوں کو اس دین مبین کے اعلیٰ حقائق ،عظیم تمدن اور ہدایت پر مبنی تعلیمات سے روشناس ہونا چاہئے تھا اور اس دین کی حقانییت و حقیقت سب سے زیادہ ظاہر و آشکار ہونی چاہئے تھی، وہیں دہشگردی  میں ملوث گروہوں نے اپنے ظلم و بربریت سے اسلام کی عزت و آبرو، عظمت اور پوری دنیا کے مسلمانوں کی عزت و شرف پر حملہ کیا ہے اور انہوں نے براہ راست اسلام اور مسلمانوں کی حیثیت و اعتبار اور حسن شہرت کو نشانہ بنایا ہے۔ ان جاہل افراد یا دوسرے لفظوں میں  رشد و شعور سے عاری کفّار کے ان کارندوں نے ڈیڑھ ارب سے زائدآبادی والے معاشرے  بلکہ دنیا کے اکثر مسلمانوں کی توہین کی ہے اور انہیں شرمندہ کیا ہے کہ جو چودہ صدیوں سے اصل فرہنگ و ثقافت ،تمدن اور انسانی شرافت کے علمبردار تھے۔

ہم مکتب اہلبیت پیغمبر علیہم السلام کے پیروکار انتہا پسندی اور دہشتگردی کے واقعات (جنہوں نے پوری دنیا اور بالخصوص مسلمانوں کو اپنی جان و مال اور امن و امان کے سوچنے پر مجبور کیا ہے) کی مذمت کرتے ہیں۔

اسلام اور مسلمانوں کا اس بہت بڑے فتنہ سے پالا پڑا ہے اور سب علمائے اسلام کو چاہئے کہ وہ ایک دوسرے سے تعاون اور ہم دلی کے ساتھ اس خطرے کو برطرف کریں تا کہ یہ فساد و افساد صلاح و اصلاح اور اسلامی و قرآنی  امور میں تبدیل ہو جائے اور سب مودّت و رحمت،حسن تفاہم اور اخوت و بھائی چارہ کی طرف مائل ہو جائیں۔ سب کو دیرینہ اسلامی عزّت کے سلسلہ میں تجدید فکر کرنی چاہئے اور سب علماء اسلام کو اس پر آشوب فتنہ کے خلاف قیام کرنا چاہئے۔

آخر میں ہم اس بین الاقوامی کانفرنس کا انعقاد کرنے والوں کی کاوشوں کو سراہتے ہیں اور ان کا شکریہ ادا کرتے ہیں اور خداوند متعال سے امت اسلامی کی عظمت و عزّت کے لئے دعا کرتے ہیں۔ ہم امید کرتے ہیں کہ حضرت ولی اللہ الاعظم امام زمانہ ارواحنا و ارواح العالمین لہ الفداء کی خاص عنایات آپ کے شامل حال ہوں۔

                                                                                                                                                       و السلام علیکم و رحمة‌الله و برکاته

                                                                                                                                                                  لطف الله صافی
                                                                                                                                                           20 شعبان المعظّم 1437 ه.ق

موضوع: 
اخبارپیام‌‌ها
Thursday / 2 June / 2016